Preskaŭ 4 % de la hejmaj komputiloj uzas GNU/Linukson

Laŭ datenoj de Statcounter GNU/Linukso estas uzata en 3,77 % de la hejmaj komputiloj (tekokomputiloj kaj tablaj komputiloj)¹. En la grafiko ni povas vidi, ke en Januaro de 2021 la GNU/Linuksa elcento estis 1,91 %, kio signifas, ke en tri jaroj ĝia populareco duobliĝis. Indas ankaŭ mencii, ke la elcento de Chrome OS (kiu uzas la kernon Linukson) estas 1,78 %.

Tamen tiu statistiko ne estas plene fidinda, ĉar la spurilo de Statcounter estas instalita nur en 1,5 milionoj da retejoj². Krome, kelkaj uzantoj de GNU/Linukso — tiuj, kiuj pli zorgas pri la privateco — uzas ilojn, kiuj ŝanĝas la User-Agent (ekzemple Tor Browser, kiu ŝajnigas la uzadon de Windows por pli bone kamufli sin).

Ĉiuokaze temas pri impresa kreskado, kiu verŝajne daŭros en la sekvaj jaroj, ĉar GNU/Linukso estas pli kaj pli uzata en lernejoj kaj multaj landoj klopodas pliigi sian teknologian suverenecon (GNU/Linukso estas la plej malmultekosta kaj sekura maniero fari tion).