Ĉu iam okazis al vi, ke vi kopiis tekston de retpaĝo kaj, kiam vi algluis ĝin, aperis teksto modifita, aŭ nenio aperis? Tio okazas, ĉar tiu paĝo modifis la tondujon.

Por eviti tion vi povas malebligi Ĝavoskripton aŭ agordi Firefox per la jena metodo:

1. En la adresbreto skribu about:config.
2. Premu la Enigan Klavon kaj poste la butonon Akcepti la riskon kaj daŭrigi.
3. En la serĉo-kampo skribu dom.event.clipboardevents.enabled.
4. Alklaku dufoje ĉi tiun opcion aŭ premu ĝian Baskuligi-butonon por ŝanĝi ĝian valoron al false.

Tiel la retejoj, kiujn vi vizitos ne povos modifi vian tondujon. Sciu, ke kelkaj retaplikaĵoj, kiuj modifas la tondujon per Ĝavoskripto (kiel Collabora), ne plu povos fari tion, do ilia kapablo alglui ne plu ĝuste funkcios.

Se vi volas pruvi, ke Mastodon-konto estas via kaj ne de aliulo, kiu ŝajnas esti vi, vi povas aŭtentigi vian retejon. Por fari tion vi devas sekvi la jenajn paŝojn: Legu plu el Kiel aŭtentigi Mastodon-konton

Vi povas uzi la programon yt-dlp. Estas kelkaj manieroj instali ĝi, unu el ili estas pere de la pako-administrilo de via distribuo:

sudo apt install yt-dlp

Por elŝuti ludliston oni simple devas tajpi en terminalo yt-dlp, la URL-n de la ludlisto kaj premi la enigan klavon. Ekzemple:

yt-dlp https://youtube.com/playlist?list=PLvvDxND6LkgB_5dssZod-3BET4_DFRmtU

Ĉi tiu programo ne nur elŝutas videojn el YouTube, sed ankaŭ povas elŝuti videojn el multaj retejoj.

Multaj ĵurnaloj montras pagmurojn, kiuj malhelpas, ke ni vidu la tutan enhavon de la artikoloj. Ekzistas tamen kelkaj ruzoj por eviti ilin.

Utila kromaĵo por la retumilo, kiu ebligas al ni salti tiujn pagmurojn, estas Bypass Paywalls Clean. Ĉi tiu kromaĵo funkcias en popularaj retejoj kaj oni povas facile aldoni aliajn. Kiel ĝi funkcias? Simple la kromaĵo uzas ruzojn kiel malaktivigi la Ĝavoskripton, malaktivigi la kuketojn aŭ ŝanĝi la nomon de klienta aplikaĵo (angle user agent) al tiu de konita ret-araneo (kiel Googlebot).

Ne necesas instali la antaŭan kromaĵon, se vi ne volas. Legu plu por detale scii la ruzojn, kiujn oni povas uzi por eviti plejparton de la pagmuroj.