Fidata mono daŭre iĝas pli senvalora kaj estas kontrolata de malgranda elito. Aliflanke ekzistas malfermitkodaj ĉifrovalutoj, kiuj ne povas esti inflaciigitaj kaj funkcias en samtavola reto, sen neceso de centra banko aŭ unika administranto. Kial indas atenti pri ili kaj uzi ilin? Kiel fari tion?

Tia mono ne ĉesas gajni valoron kompare al fidataj valutoj, ĉar ĝi ne povas estas kreita el nenio, kiel centraj bankoj faras, kiam estas interesa por ili. Pro tio homoj, kiuj ŝparas aŭ investas en ĉifrovalutoj, havas grandan avantaĝon kompare kun homoj, kiuj ŝparas fidatan monon.

Sed ne temas nur pri investilo; ili ankaŭ estas mono, kiu povas esti uzata por aĉeti ĉiujn specojn de varoj kaj servoj. Ekzistas granda kvanto da firmaoj, kiuj akceptas ĉifrovalutojn. Se firmao ne rekte akceptas ilin, eblas en multaj okazoj aĉeti donackartojn pere de firmaoj, kiuj agas kiel perantoj¹. Eblas vivi uzante nur ĉifrovalutojn; mi faris tion dum iom da tempo kaj mi daŭre uzas ilin.

Legu plu el Pli bonas uzi liberan monon

Malsaĝuloj parolas pri la media efiko de ĉifrovalutoj. Nenion ili scias. Kiom da militoj kaŭzis fidataj valutoj kaj la povaj montroj de politikistoj kaj centraj bankistoj?

Fidataj valutoj estas inflaciaj kaj tial instigas la ekonomian kreskadon (je kioma kosto? Kiu malprofitas?). Tiu inflacio ankaŭ mildigas la ŝuldon de ŝtatoj, estas kiel nevidebla imposto kontraŭ malriĉuloj kaj finance stultaj homoj.

Stultaj ĵurnalistoj, centraj bankistoj kaj politikistoj klopodas bremsi la financajn sendependecon kaj privatecon per malpermesoj kaj partiaj novaĵoj. Ili nek sukcesis nek sukcesos. Tio estus kiel provi malpermesi valorajn metalojn.

Ekzistas ĉifrovalutoj, kiuj estas rubo, kiuj ne provizas privatecon, ktp., sed oni ne povas juĝi ĉion same. Krome la media efiko estas minimuma kompare kun tiu de la fidataj valuto. Por tiuj, kiuj plej zorgas pri la medio, ekzistas ĉifrovalutoj, kiuj ne uzas laborpruvajn algoritmojn.