Pli bone per liberaj programoj
La Duden-vortaro estas unu el la plej bonaj germanaj vortaroj. Bedaŭrinde la retejo havas multege da reklamoj kaj la fasado igas, ke estu tre malrapide konsulti vortojn. Fortune estas Python-programo nomita Duden, kiu ebligas konsulti vortojn en la terminalo.
Por instali la programo simple plenumu la jenajn komandojn:
sudo apt install python3-pip
sudo pip3 install duden
Poste vi povas plenumi duden Wort por konsulti vortojn.
La komerca modelo de Google baziĝas sur la kolekto de personaj datenoj de uzantoj, la vendado de ili al aliaj firmaoj kaj la montrado de reklamoj. La firmaoj ankaŭ partoprenas en spionadaj projektoj, disvolvas programojn de artefarita intelekto kun militaj celoj, ekspluatas la uzantojn...
Ĝi estas unu el la plej potencaj firmaoj el la planedo. Tamen Google estas giganto kun argilaj piedoj, kiu povas esti neniigita.
Google gajnas monon liverante tajloritajn reklamojn bazitajn sur la informo, kiun ĝi kolektas de siaj uzantoj. Se la homoj ne vidas reklamojn, Google ne gajnas monon. Bloki reklamojn estas maniero eviti la spuradon kaj igi, ke Google perdu monon, sed se ni vizitas paĝojn de Google, ĝi daŭre akiros informon, kiun ĝi povos vendi al reklamantoj. Do plej simplas bloki la reklamojn kaj eviti retejojn de Google.
Alia ideo estas alklaki ĉiujn la reklamojn per la AdNauseam-kromaĵo, kiu ankaŭ povas kaŝi ilin por ni, por ke ili ne ĝenu. Ĉi tio rimedo igas, ke Google gajnu malpli da mono per klakoj en reklamoj kaj ke la serviloj de Google havu iom pli da laborŝarĝo (malgrandega, sed ĝi kontribuas al kreskado de ĝiaj elspezoj).
Google permesas alŝuti preskaŭ ĉion ajn al siaj serviloj (videojn, dosierojn, ktp.). Se la enhavo alŝutita al ĝiaj serviloj okupas multe da spaco kaj estas rubo, kiu forpelas al la homoj el ĝiaj serviloj (videoj kun robotaj voĉoj, kiuj diras sensencajn aferojn, centoj da videoj, kiuj okupas gigabajtojn kaj gigabajtojn), la bontenadaj kostoj de la serviloj pliiĝas kaj la profito, kiun la firmao akiras, malpliiĝas.
Se estas tutmonda kunordigita klopodo de pluraj uzantoj, Google devos komenci limigi la alŝuton de dosieroj, dungi homojn, por ke ili trovu rubajn videojn, bloki homojn kaj ilian IP-adresojn, ktp., kio pliigus ĝiajn malprofitojn kaj malpliigus ĝiajn profitojn.
Ekzemple, mi povas ĉiuhore krei 15-minutajn videojn kaj aŭtomate aŭ semiaŭtomate alŝuti ilin al YouTube. La videoj devus okupi multe da spaco. Ju pli da rezolucio, da koloroj, da sona diverseco, da kadroj por sekundo, des pli da mono YouTube elspezos por teni tiujn videojn en siaj serviloj.
Mi aŭtomate kreis la jenan videon per ffmpeg. Ĝi daŭras nun du
sekundojn, sed okupas 136 MB. 15-minuta
simila video okupus 61,2 GB.
Antaŭe kutimis iri al restoracio, legi la menuon kaj mendi: tiel simple. Nun multaj ejoj eĉ ne havas fizikan menuon; ili antaŭsupozas, ke la kliento havas «saĝtelefonon» kaj Interretan konekton. Se tio okazas, oni atendas, ke la kliento uzu la fotilon kaj skanu la QR-kodon, kiu kondukas al retejo, kiu ne respektas la privatecon, kutimas malfrue ŝarĝiĝi kaj, en multaj okazoj, estas malmulte ergonomia.
Ŝarĝi retejon kun bildoj el fora servilo, por ĉiu kliento, poluas. Per fizika menuo oni ne malŝparas elektron, la homoj povas daŭre reuzi la menuon... Se ne estas Interreto aŭ via baterio malplenas, kiel vi vidas la menuon per la QR?
Kiam ni vizitas retejon, ni lasas ciferecan spuron. Se ni uzas la QR-kodojn por vidi la menuon, estas firmaoj, registaroj, ktp., kiuj povas scii je kioma preciza horo ni legis la menuon de preciza restoracio.
La klientoj ankaŭ perdas sian privatecon, kiam ili pagas per kreditkarto anstataŭ uzi kontantan monon, sed tio estas alia temo.
Mi ne havas «saĝtelefonon», nek mi ŝatas restoraciojn. Se mi manĝas en restoracio, mi petas la fizikan menuon. Se ili ne donas ĝin al mi, ili devas diri ĝin al mi, ĉar mi neniel povas skani la QR-kodon. La plejparto de la manĝaĵo de la restoracioj estas malsana, la laboristoj kutime estas ekspluatitaj, oni forĵetas multe da manĝaĵo, estas malmultaj veganaj opcioj, ktp. La restoracia industrio havas multe da problemoj. La uzado de la QR-kodo por la menuo estas nur unu paŝo pli al malbona direkto, sed pli facile batalebla neante uzi «saĝtelefonon» por skani stultan QR-kodon.
La kromnomoj utilas por alvoki komandon per alia nomo. La komando, al
kiu oni aplikas kromnomon, funkcios kvazaŭ ĝi estus rekte alvokita.
Ekzemple, se mi volas iri al patra dosierujo per la komando .., mi nur
devas krei kromnomon en la terminalo per la jena komando:
alias ..='cd ..'.
Verŝajne vi jam havas kelkajn kromnomojn kaj vi ne scias pri tio. Se vi
plenumas alias, vi povos vidi la kromnomojn, kiuj jam estas difinitaj
por vi. Ĉi tiuj kromnomoj troviĝas difinitaj en la .bashrc-dosiero,
tie vi povas aldoni viajn proprajn kromnomojn (memoru reŝarĝi la
agordaron de Bash, post kiam vi aldonis ilin, por ke vi povas ekuzi
ilin sen restartigi la komputilon). Sed se vi volas aldoni multajn kaj
volas distingi, kiuj estas viaj, rekomendindas havi ilin en aparta
dosiero.
En la .bashrc-dosiero vi verŝajne trovos ĉi tiujn liniojn aŭ iujn
similajn:
# Alias definitions.
# You may want to put all your additions into a separate file like
# ~/.bash_aliases, instead of adding them here directly.
# See /usr/share/doc/bash-doc/examples in the bash-doc package.
if [ -f ~/.bash_aliases ]; then
. ~/.bash_aliases
fi
Ĉi tio signifas, ke ĉiufoje, kiam vi komencas Bash, la kromnomoj
trovitaj en la dosiero ~/.bash_aliases estos ŝarĝitaj, se ili ekzistas.
Se vi ankoraŭ ne havas ĉi tiun dosieron, kreu ĝin kaj aldonu kelkajn
kromnomojn, kiuj helpu vin en via ĉiutaga laboro. Longtempe ili ŝparos
al vi multege da tempo.
Sekve mi montras al vi kelkajn utilajn kromnomojn. Mi havas deponejon en https://notabug.org/jorgesumle/bash_aliases kun ĉiuj miaj kromnomoj, vidu ĝin kaj kopiu tiujn kromnomojn utilajn por vi.
alias ....='cd ../../..'
alias ...='cd ../..'
alias ..='cd ..'
alias install='sudo apt-get install'
alias search='apt-cache search'
alias update='sudo apt-get update && sudo apt-get upgrade'
Kelkfoje utilas prezenti datumojn per arba strukturo kiel tiu, kiun
kreas la tree-programo. La tree-programo kreas eligon de arbo de
dosierujoj kiel tiu ĉi:
✔ /var/www/html/Repos/Freak-Spot/freak-theme [master|✔] $ tree
.
├── static
│ ├── css
│ │ └── style.css
│ ├── genericons
│ │ ├── COPYING.txt
│ │ ├── genericons.css
│ │ ├── Genericons.eot
│ │ ├── Genericons.svg
│ │ ├── Genericons.ttf
│ │ ├── Genericons.woff
│ │ ├── LICENSE.txt
│ │ └── README.md
│ ├── images
│ │ ├── creativecommons_public-domain_80x15.png
│ │ ├── gnu-head-mini.png
│ │ └── questioncopyright-favicon.png
│ └── js
│ ├── functions.js
│ └── jquery-3.1.1.js
└── templates
├── archives.html
├── article.html
├── article_info.html
├── author.html
├── authors.html
├── base.html
├── category.html
├── index.html
├── page.html
├── pagination.html
├── period_archives.html
├── tag.html
├── taglist.html
└── tags.html
6 directories, 28 files
Por prezenti la komandon tiel, kiel ĝi aperas en terminalo, mi uzis la
HTML-etikedojn <samp> kaj <pre> (<pre><samp>eliro de
tree</samp></pre>). Sed kio okazas, se mi volas inkludi ligilon aŭ uzi
aliajn HTML-elementojn, aŭ CSS? Tiuokaze ni devas uzi CSS por montri la
branĉan aspekton.